تفريغ مقابلة تلفزيونية — عربي

‫‫المضيف: الله يسعد لي ها المسا جميعًا اللي حاضرين، آه عم يحضرونا هلأ لايف، عم يشوفونا لايف، وكل مين حيشوف هاي الحلقة بعدين سواء على اليوتيوب أو حيسمعها عالمنصات الصوتية. ‬
‫هذا بودكاست “طق طق”، أنا عمار دبا، وبودكاست “ساتا” هو البودكاست اللي بيجيكن كل يوم أربعة الساعة سبعة المساء CET بتوقيت وسط أوروبا، آه على aratok.com.‬
‫آه يعني والله ما بعرف تحكي ولا أنا متوتر ها. والله [كلام متداخل] ، يا جماعة والله كلياتنا خايفين.‬
‫بشر: [كلام غير مفهوم]‬
‫المضيف: ما بعرف أنا وياه خايفين من شو والله؟‬
‫بشر: بلاها.‬
‫المضيف: بلاها ما خلص، حنسك– والسلام عليكم ورحمة الله. [يضحك] ‬
‫بشر: وهكذا أعزّائي المشاهدين كنتم مع-‬
‫المضيف: كان هذا…‬
‫[يضحك] ‬
‫بشر: انتهى بثّنا اليوم، برنامج غدًا نلتقي.‬
‫المضيف: أول شي، بشر، آه يعني هلأ انت غني عن التعريف ما شاء الله حولك.‬
‫بشر: حبيبي.‬
‫المضيف: بس آه…‬
‫بشر: نعرف عن حالنا؟ وين غني عن التعريف يا زلمة؟‬
‫المضيف: [يضحك] هلأ حلو هذا ال… يعني الحقيقة أنا بشجّع فيك هذا الشي، لأنو آه يمكن شغلة لازم أحكيها لل… آه يعني للمشاهدين واللي عم يسمعوا، إنو أنا أول مرة وقت اللي حكيت مع بشر أنا قلت لحالي يعني والله هلأ بدي احكي معن، يعني إن شاء الله يردّوا، إن شاء يعني ما بعرف.‬
‫لأنو في أشخاص الحقيقة بدون ذكر أسماء يعني بعتلن والله إنو: أخي اطلعوا عالبودكاست معي، أنا بعرف زلمة درويش يعني، بس إنو إذا بعتنا لحدا يطلع عالبودكاست يعني إذا في مجال، والله ما لهلأ ما ردّوا، الحمد لله. بس والله بشر من أول مرة بعت له مسج قال لي: والله على عيني وحاضر وجاهز، والله ما في منك، أبشر والله يا شباب.‬
‫بشر: والله مزبوط.‬
‫المضيف: فينا [يضحك] ‬
‫بشر: يعني شو بدي ردّ عليك؟ اقعد أَسرَح فيك وأقول لك كذا؟ والله مزبوط يعني-‬
‫المضيف: [يضحك] ما في مني يقبشني، أنا اقبشني.‬
‫بشر: آه بصراحة.‬
‫المضيف: ويعني بس هلأ لحتى ن… آه تحضر الشبيبة، يعني عدم المؤاخذة، يعني بشر شامي وأنا شامي، فناخدوها على بيت فستق، يعني راح تتفستقوا الفستقة العجيبة اليوم.‬

خدمة تفريغ البرامج الحوارية متاحة حسب الطلب